2015 جىلعى 31 ناۋرىز, استانا قالاسى
تىكەلەي سۋ وبەكتىلەرىندە ورنالاسقان سۋ شارۋاشىلىعى قۇرىلىستارىن پايدالانۋ قاعيدالارىن بەكىتۋ تۋرالى
قازاقستان رەسپۋبليكاسىنىڭ 2003 جىلعى 9 شىلدەدەگى سۋ كودەكسىنىڭ 37-بابى 1-تارماعىنىڭ 7-7) تارماقشاسىنا سايكەس, بۇيىرامىن:
1. قوسا بەرىلىپ وتىرعان تىكەلەي سۋ وبەكتىلەرىندە ورنالاسقان سۋ شارۋاشىلىعى قۇرىلىستارىن پايدالانۋ قاعيدالارى بەكىتىلسىن.
2. قازاقستان رەسپۋبليكاسى اۋىل شارۋاشىلىعى مينيسترلىگىنىڭ سۋ رەسۋرستارى كوميتەتى زاڭنامادا بەلگىلەنگەن تارتىپپەن:
1) وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن;
2) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن كۇنتىزبەلىك ون كۇن ىشىندە ونىڭ كوشىرمەسىنىڭ مەرزىمدى باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا جىبەرىلۋىن;
3) وسى بۇيرىقتىڭ قازاقستان رەسپۋبليكاسى اۋىل شارۋاشىلىعى مينيسترلىگىنىڭ ينتەرنەت-رەسۋرسىندا ورنالاستىرىلۋىن قامتاماسىز ەتسىن.
3. وسى بۇيرىقتىڭ ورىندالۋىن باقىلاۋ جەتەكشىلىك ەتەتىن قازاقستان رەسپۋبليكاسى اۋىل شارۋاشىلىعى ۆيتسە-مينيسترىنە جۇكتەلسىن.
4. وسى بۇيرىق العاشقى رەسمي جاريالانعان كۇنىنەن كەيىن ون كۇنتىزبەلىك كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ اۋىل شارۋاشىلىعى ءمينيسترى ا.مامىتبەكوۆ.
«كەلىسىلگەن»
قازاقستان رەسپۋبليكاسىنىڭ ينۆەستيتسيالار جانە دامۋ ءمينيسترى _______________ ءا. يسەكەشەۆ
2015 جىلعى « »
«كەلىسىلگەن»
قازاقستان رەسپۋبليكاسىنىڭ ۇلتتىق ەكونوميكا ءمينيسترى _______________ ە. دوساەۆ
2015 جىلعى « »
«كەلىسىلگەن»
قازاقستان رەسپۋبليكاسىنىڭ ىشكى ىستەر ءمينيسترى _______________ق. قاسىموۆ
2015 جىلعى « »
«كەلىسىلگەن»
قازاقستان رەسپۋبليكاسىنىڭ ەنەرگەتيكا ءمينيسترى ______________ ۆ. شكولنيك
2015 جىلعى « »
قازاقستان رەسپۋبليكاسى اۋىل شارۋاشىلىعى ءمينيسترىنىڭ
2015 جىلعى 31 ناۋرىزداعى № 19-4/294 بۇيرىعىمەن بەكىتىلگەن
تىكەلەي سۋ وبەكتىلەرىندە ورنالاسقان سۋ شارۋاشىلىعى قۇرىلىستارىن پايدالانۋ قاعيدالارى
1. جالپى ەرەجەلەر
1. وسى تىكەلەي سۋ وبەكتىلەرىندە ورنالاسقان سۋ شارۋاشىلىعى قۇرىلىستارىن پايدالانۋ قاعيدالارى (بۇدان ءارى – قاعيدالار) قازاقستان رەسپۋبليكاسىنىڭ 2003 جىلعى 9 شىلدەدەگى سۋ كودەكسىنىڭ 37-بابىنىڭ
7-7) تارماقشاسىنا سايكەس ازىرلەنگەن جانە تىكەلەي سۋ وبەكتىلەرىندە ورنالاسقان سۋ شارۋاشىلىعى قۇرىلىستارىن (بۇدان ءارى – سۋ شارۋاشىلىعى قۇرىلىستارى) پايدالانۋدى جۇزەگە اسىرۋ ءتارتىبىن ايقىندايدى.
2. وسى قاعيدالاردا مىناداي نەگىزگى ۇعىمدار پايدالانىلادى:
1) اعىمداعى جوندەۋ – تىرەك ەلەمەنتتەردى قوسپاعاندا, سۋ شارۋاشىلىعىنىڭ قۇرىلىستارى كونسترۋكتسياسىنىڭ جەكەلەگەن ەلەمەنتتەرىن اۋىستىرۋدى نەمەسە قالپىنا كەلتىرۋدى كوزدەيتىن جۇمىستار كەشەنى;
2) باسسەيندiك سۋ شارۋاشىلىعى باسقارمالارى (بۇدان ءارi – باسسەيندiك باسقارمالار) – ۋاكiلەتتi ورگاننىڭ وبلىستاردا بولiمدەرi بار نەگiزگi مiندەتi تيiستi باسسەين اۋماعىندا سۋ قورىن پايدالانۋ مەن قورعاۋ سالاسىندا مەملەكەتتiك باسقارۋدى جۇزەگە اسىرۋ بولىپ تابىلاتىن وڭiرلiك ورگاندارى (ەكi جانە ودان دا كوپ وبلىستاردىڭ اۋماقتارىندا ولاردىڭ قىزمەتi جۇزەگە اسىرىلادى جانە ونىڭ وكiلەتتiكتەرi قولدانىلادى);
3) جوبالاۋ ۇيىمى – وبەكتىنى (قۇرىلىستى) جوبالاعان كاسىپورىن نەمەسە ءتيىستى وبەكتىلەردى (قۇرىلىستاردى) جوبالاۋ جونىندەگى مامانداندىرىلعان كاسىپورىن;
4) جوندەۋ – سۋ شارۋاشىلىعى قۇرىلىستارىنىڭ جارامدىلىعىن قالپىنا كەلتىرۋ جونىندەگى جۇمىستار كەشەنى (جوندەۋدىڭ تۇرلەرى اعىمداعى جوندەۋ مەن كۇردەلى جوندەۋ بولىپ تابىلادى);
5) كۇردەلى جوندەۋ – سۋ شارۋاشىلىعى قۇرىلىستارىنىڭ كونسترۋكتسياسىنىڭ كەز-كەلگەن ەلەمەنتتەرىن, ونىڭ ىشىندە تىرەك ەلەمەنتتەرىن اۋىستىرۋدى نەمەسە قالپىنا كەلتىرۋدى كوزدەيتىن جۇمىستار كەشەنى;
6) قالىپتى پايدالانۋ – سۋ شارۋاشىلىعى قۇرىلىستارىن ونىڭ جوبالىق پارامەترلەرىنە سايكەس پايدالانۋ;
7) ناقتى توزۋ – مەحانيكالىق توزۋدىڭ, كورروزيانىڭ, دەفورماتسيالار مەن قيراۋدىڭ سالدارىنان سۋ شارۋاشىلىعى قۇرىلىستارىنىڭ جوبادا بەلگىلەنگەن ءوزىنىڭ پارامەترلەرىن بىرتىندەپ جوعالتۋى;
8) پايدالانۋ – سۋ شارۋاشىلىعى قۇرىلىستارىنىڭ ماقساتى بويىنشا پايدالانىلاتىن, جارامدى جاي-كۇيدە ۇستالاتىن جانە قۇرىلىس جوباسىندا بەلگىلەنگەن باستاپقى پارامەترلەردى العانعا دەيىن قالپىنا كەلتىرىلەتىن تىرشىلىك تسيكلىنىڭ ساتىسى (پايدالانۋ قۇرىلىستى ماقساتى بويىنشا پايدالانۋدى جانە ونى تەحنيكالىق پايدالانۋدى قامتيدى);
9) پايدالانۋ رەجيمى – قۇرىلىس جوباسىندا ايقىندالاتىن نەمەسە سۋ شارۋاشىلىعى قۇرىلىستارىن پايدالانۋ پروتسەسىندە بەلگىلەنگەن پارامەترلەرى بار سۋ شارۋاشىلىعى قۇرىلىستارىن ماقساتى بويىنشا پايدالانۋ قارقىندىلىعى;
10) پايدالانۋ شارتتارى – سۋ شارۋاشىلىعى قۇرىلىستارىندا پايدالانۋ كەزىندە وعان اسەر ەتەتىن فاكتورلار جيىنتىعى;
11) پايدالانۋدان شىعارۋ – سۋ شارۋاشىلىعى قۇرىلىستارىنىڭ تاعايىندالۋى بويىنشا ودان ءارى پايدالانۋ مەن جوندەۋدىڭ مۇمكىن ەمەستىگىن نەمەسە تيىمسىزدىگىن تىركەيتىن جانە بەلگىلەنگەن تارتىپپەن قۇجاتتامالىق رەسىمدەلگەن وقيعا;
12) پايدالانۋعا ەنگىزۋ – سۋ شارۋاشىلىعى قۇرىلىستارىنىڭ ماقساتى بويىنشا پايدالانۋعا دايىندىعىن تىركەيتىن جانە بەلگىلەنگەن تارتىپپەن قۇجاتتامالىق رەسىمدەلگەن وقيعا;
13) رەكونسترۋكتسيالاۋ – سۋ شارۋاشىلىعى قۇرىلىستارىنىڭ پارامەترلەرىن قالپىنا كەلتىرۋ, جاقسارتۋ نەمەسە جاڭا پايدالانۋ رەجيمى كەزىندە ونىڭ ماقساتتارىن وزگەرتۋ جونىندەگى جۇمىستار كەشەنى;
14) سۋ قورىن پايدالانۋ جانە قورعاۋ, سۋمەن جابدىقتاۋ, سۋ بۇرۋ سالاسىنداعى ۋاكىلەتتى ورگان (بۇدان ءارى – ۋاكىلەتتى ورگان) – ەلدى مەكەندەر شەگىنەن تىس جەرلەردە سۋ قورىن پايدالانۋ جانە قورعاۋ, سۋمەن جابدىقتاۋ, سۋ بۇرۋ سالاسىنداعى باسقارۋ مەن باقىلاۋ فۋنكتسيالارىن جۇزەگە اسىراتىن مەملەكەتتىك ورگان;
15) سۋ وبەكتىسى – شەكاراسى, كولەمi مەن سۋ رەجيمi بار قۇرلىق بەتi بەدەرلەرiندەگi جانە جەر قويناۋىنداعى سۋدىڭ جيناقتالۋى. ولار: تەڭiزدەر, وزەندەر, سولارعا تەڭەستiرiلگەن كانالدار, كولدەر, مۇزدىقتار جانە باسقا دا جەر ءۇستi سۋ وبەكتiلەرi, جەر استى سۋلارى بار جەر قويناۋىنىڭ بولiكتەرi;
16) سۋ شارۋاشىلىعى قۇرىلىستارى – سۋ رەسۋرستارىنىڭ پايدالانىلۋى مەن قورعالۋىن رەتتەۋ, سۋمەن جابدىقتاۋ, سۋدى بۇرۋ جانە سۋدىڭ زياندى اسەرiن جويۋ ماقساتىندا جاساندى قۇرىلعان گيدروتەحنيكالىق قۇرىلىستار مەن قۇرىلعىلار;
17) تەحنيكالىق جاي-كۇي – سۋ شارۋاشىلىعى قۇرىلىستارىنىڭ پايدالانۋ پروتسەسىندە وزگەرىسكە ۇشىراعان, بەلگىلى ءبىر ۋاقىت كەزەڭىندە قاداعالاۋ ارقىلى انىقتالعان بەلگىلەرمەن سيپاتتالاتىن پارامەترلەر جيىنتىعى (تەحنيكالىق جاي-كۇي تۇرلەرى سۋ شارۋاشىلىعى قۇرىلىستارىنىڭ جارامدىلىعى جانە جارامسىزدىعى بولىپ تابىلادى);
18) تەحنيكالىق قىزمەت كورسەتۋ – سۋ شارۋاشىلىعى قۇرىلىستارىن ماقساتى بويىنشا پايدالانۋ كەزىندە ولاردى جارامدى كۇيدە ۇستاۋ جونىندەگى وپەراتسيالار كەشەنى.
3. سۋ شارۋاشىلىعى قۇرىلىستارىن تەحنيكالىق پايدالانۋ:
1) سۋ شارۋاشىلىعى قۇرىلىستارىنىڭ پايدالانۋ رەجيمىن بەلگىلەۋمەن جانە ونى ساقتاۋمەن;
2) سۋ شارۋاشىلىعى قۇرىلىستارىنا تەحنيكالىق قاراپ-تەكسەرۋ, ولارعا قىزمەت كورسەتۋ جانە زەرتتەپ-قاراۋ جۇرگىزۋمەن;
3) جوندەۋ-قالپىنا كەلتىرۋ جۇمىستارىن قاجەتتى كولەمدە ۋاقتىلى جۇرگىزۋمەن;
4) اسا ماڭىزدى سۋ شارۋاشىلىعى قۇرىلىستارىن رەكونسترۋكتسيالاۋدى جانە جوندەۋدى جاڭا قۇرىلىسپەن بايلانىستىرا جانە ۇيلەستىرە وتىرىپ, پەرسپەكتيۆالى جوسپارلاۋمەن;
5) سۋ شارۋاشىلىعى قۇرىلىستارىن رەكونسترۋكتسيالاۋمەن, اعىمداعى جانە كۇردەلى جوندەۋمەن;
6) سۋ شارۋاشىلىعى قۇرىلىستارىنىڭ قاۋىپسىز پايدالانىلۋىن قامتاماسىز ەتەتىن نۇسقاۋلىقتار مەن باسقا دا قۇجاتتاردى ساقتاۋمەن;
7) سۋ شارۋاشىلىعى قۇرىلىستارىنا قىزمەت كورسەتەتىن بىلىكتى پەرسونالدىڭ بولۋىمەن;
8) سۋ شارۋاشىلىعى قۇرىلىستارىنىڭ تەحنيكالىق جاي-كۇيى مەن پايدالانىلۋ رەجيمىنىڭ ءورت قاۋىپسىزدىگىنىڭ, سانيتارلىق-ەپيدەميولوگيالىق قاعيدالار مەن نورمالاردىڭ تالاپتارىنا, سونداي-اق قازاقستان رەسپۋبليكاسىنىڭ زاڭناماسىندا سۋ شارۋاشىلىعى قۇرىلىستارىنا بەلگىلەنگەن ەڭبەكتى قورعاۋ جانە قاۋىپسىزدىك تەحنيكاسى تالاپتارىنا سايكەستىگىمەن قامتاماسىز ەتىلەدى.
4. سۋ شارۋاشىلىعى قۇرىلىستارىن پايدالانۋدى جەكە جانە زاڭدى تۇلعا (بۇدان ءارى – مەنشىك يەسى) جۇزەگە اسىرادى.
2. سۋ شارۋاشىلىعى قۇرىلىستارىن پايدالانۋ ءتارتىبى
5. سۋ شارۋاشىلىعى قۇرىلىستارىن پايدالانۋ رەجيمى ولاردىڭ جوبالىق سيپاتتامالارىنا, ناقتى جاي-كۇيىنە, پايدالانۋ شارتتارىنا, ولاردىڭ قىزمەت ەتۋ مەرزىمىنە جانە ءاربىر سۋ شارۋاشىلىعى قۇرىلىسىنىڭ ماقساتىنا سايكەس جۇزەگە اسىرىلادى.
6. سۋ شارۋاشىلىعى قۇرىلىستارىن پايدالانۋ رەجيمىنىڭ وزگەرتىلۋى ءۇش جۇمىس كۇنى ىشىندە باسسەيندiك باسقارمانى حاباردار ەتە وتىرىپ, مەنشىك يەسىنىڭ يەلىك ەتۋ قۇجاتىمەن رەسىمدەلەدى.
7. سۋ شارۋاشىلىعى قۇرىلىسىن پايدالانۋدان شىعارعان كەزدە مەنشىك يەسى ءۇش جۇمىس كۇنى ىشىندە باسسەيندiك باسقارماعا بۇل تۋرالى حابارلايدى. سۋ شارۋاشىلىعى قۇرىلىستارىن پايدالانۋدان شىعارۋ مەنشىك يەسى قۇراتىن جۇمىس كوميسسياسىنىڭ قورىتىندىسى بويىنشا جۇرگىزىلەدى جانە سۋ شارۋاشىلىعى قۇرىلىسىن پايدالانۋدان شىعارۋ قاجەتتىگى تۋرالى اكتىمەن رەسىمدەلەدى.
جۇمىس كوميسسيانىڭ قۇرامىنا جەرگىلىكتى اتقارۋشى ورگانداردىڭ, ۋاكىلەتتى ورگان ۆەدومستۆوسىنىڭ, قورشاعان ورتانى قورعاۋ سالاسىنداعى ۋاكىلەتتى ورگاننىڭ, ازاماتتىق قورعاۋ سالاسىنداعى ۋاكىلەتتى ورگاننىڭ, جوبالاۋشى ۇيىمداردىڭ, قوعامدىق بىرلەستىكتەردىڭ وكىلدەرى كىرەدى.
8. سۋ شارۋاشىلىعى قۇرىلىستارىن پايدالانۋ پروتسەسىندە تەحنيكالىق قۇجاتتاما جۇرگىزىلەدى, ونىڭ تىزبەسى وسى قاعيدالارعا 1-قوسىمشادا كەلتىرىلگەن.
9. سالۋ, رەكونسترۋكتسيالاۋ نەمەسە كۇردەلى جوندەۋ اياقتالعاننان كەيىن سۋ شارۋاشىلىعى قۇرىلىستارىن پايدالانۋعا قابىلداۋ (ەنگىزۋ) «قازاقستان رەسپۋبليكاسىنداعى ساۋلەت, قالا قۇرىلىسى جانە قۇرىلىس قىزمەتى تۋرالى» 2001 جىلعى 16 شىلدەدەگى قازاقستان رەسپۋبليكاسى زاڭىنىڭ (بۇدان ءارى – زاڭ) 11-تاراۋىنا سايكەس جۇرگىزىلەدى.
10. سۋ شارۋاشىلىعى قۇرىلىستارىن سالۋ, رەكونسترۋكتسيالاۋ, كۇردەلى جوندەۋ جانە پايدالانۋعا ەنگىزۋ جونىندەگى بارلىق قۇجاتتامالار سۋ شارۋاشىلىعى قۇرىلىسىنىڭ مەنشىك يەسىندە ساقتالادى.
11. سۋ شارۋاشىلىعى قۇرىلىستارىن پايدالاناتىن مەنشىك يەسى سۋ شارۋاشىلىعى قۇرىلىستارىن پايدالانۋ رەجيمىن ساقتاۋدى قامتاماسىز ەتەدى.
12. سۋ شارۋاشىلىعى قۇرىلىستارىن پايدالانۋدىڭ بەلگىلەنگەن رەجيمىنە وزگەرىستەر ەنگىزۋ سۋ شارۋاشىلىعى قۇرىلىستارىنا جۇيەلى تۇردە بايقاۋ ناتيجەلەرىنىڭ جانە ولاردى پايدالانۋ شارتتارىنىڭ وزگەرگەنى تۋرالى دەرەكتەردىڭ نەگىزىندە جۇرگىزىلەدى.
13. سۋ شارۋاشىلىعى قۇرىلىستارىن پايدالانۋ جابدىقتاردىڭ جۇمىسى كەزىندە جانە گيدرومەتەورولوگيالىق فاكتورلار اسەر ەتكەن كەزدە سۋ شارۋاشىلىعى قۇرىلىستارىنىڭ قاۋىپسىزدىگىن, ساقتالۋىن جانە ولاردىڭ بەرىكتىگىن ارتتىرۋدى قامتاماسىز ەتەدى.
سۋ شارۋاشىلىعى قۇرىلىستارىنىڭ قاۋىپسىزدىگىن قامتاماسىز ەتۋ شارتتارىنىڭ ءبىرى تابيعي نەمەسە تەحنوگەندىك سيپاتتاعى اپاتتاردى نەمەسە توتەنشە جاعدايلاردى بولدىرماۋ جونىندەگى شۇعىل شارالاردى قابىلداۋ جانە الدىن الۋ ءىس-شارالارىن جۇرگىزۋ ءۇشىن تومەندەتىلمەيتىن رەزەرۆتى (جابدىقتار, بۇيىمدار, توراپتار, بولشەكتەر مەن قۇرىلىس ماتەريالدارى) قۇرۋ بولىپ تابىلادى.
مەنشىك يەسى سۋ شارۋاشىلىعى قۇرىلىستارىن پايدالانۋ شارتتارىنا جانە سۋ شارۋاشىلىعى قۇرىلىستارىنىڭ كونسترۋكتسيالىق ەرەكشەلىكتەرىنە بايلانىستى تومەندەتىلمەيتىن رەزەرۆ كولەمىن بەلگىلەيدى.
14. سۋ شارۋاشىلىعى قۇرىلىستارىن قالىپتى پايدالانۋعا كەدەرگى كەلتىرەتىن نەمەسە قۇرىلىستىڭ جەكەلەگەن ەلەمەنتتەرىنىڭ قيراۋىنا اكەپ سوعاتىن تابيعي توزعان سۋ شارۋاشىلىعى قۇرىلىستارىن پايدالانۋعا رۇقسات ەتىلمەيدى.
15. بارلىق سۋ شارۋاشىلىعى قۇرىلىستارى ولار ءۇشىن بەلگىلەنگەن پايدالانۋ جۇكتەمەلەرى نورمالارىن قاتاڭ تۇردە ساقتاي وتىرىپ پايدالانىلادى.
16. سۋ شارۋاشىلىعى قۇرىلىستارىنىڭ جۇكتەمەلەر بەلگىلەنگەن نورمالاردان تىس ۇلعايتۋعا رۇقسات ەتىلمەيدى. سۋ شارۋاشىلىعى قۇرىلىستارىن پايدالانۋدى جۇزەگە اسىراتىن مەنشىك يەسى سۋ شارۋاشىلىعى قۇرىلىستارىنا رۇقسات بەرىلەتىن جۇكتەمەلەر نورمالارىنىڭ ساقتالۋىن قامتاماسىز ەتەدى.
17. سۋ شارۋاشىلىعى قۇرىلىستارىنا ارنالعان پايدالانۋ جۇكتەمەلەرىنىڭ نورمالارى قۇرىلىستىڭ كونسترۋكتسيالىق ەلەمەنتتەرىنىڭ ناقتى جاي-كۇيىن جانە ونىڭ قىزمەت ەتۋ شارتتارىنىڭ جوبالاۋ جانە سالۋ كەزىندە العاش قابىلدانعان شارتتارعا سايكەستىگىن ەسكەرە وتىرىپ, ۇدايى قايتا قارالادى جانە ءاربىر سۋ شارۋاشىلىعى قۇرىلىستارى ءۇشىن بەلگىلەنەدى. پايدالانۋ جۇكتەمەلەرى نورمالارىن قايتا قاراۋدى جوبالاۋ ۇيىمىنىڭ زەرتتەپ-قاراۋدان كەيىنگى ۇسىنىمدارى نەگىزىندە مەنشىك يەسى جۇرگىزەدى.
18. سۋ شارۋاشىلىعى قۇرىلىستارىنىڭ پايدالانۋ شارتتارى مەن ولاردىڭ جاي-كۇيى وزگەرگەن جاعدايدا, جوبالاۋ ۇيىمى ەسەپ ايىرىسۋدى جۇرگىزەدى, ونىڭ ناتيجەلەرى بويىنشا سۋ شارۋاشىلىعى قۇرىلىستارىنىڭ مەنشىك يەسى پايدالانۋدىڭ جاڭا رەجيمىن بەلگىلەيدى.
19. سۋ شارۋاشىلىعى قۇرىلىستارىن قىسقى كەزەڭدە پايدالانعان كەزدە مەنشىك يەسى اۋداننىڭ كليماتتىق جانە گيدرومەتەورولوگيالىق سيپاتتامالارى مەن سۋ شارۋاشىلىعى قۇرىلىستارىنىڭ كونسترۋكتسيالىق ەرەكشەلىكتەرىن ەسكەرە وتىرىپ, قىسقى جاعدايلاردا تەحنيكالىق پايدالانۋ جونىندەگى ءىس-شارالاردى ازىرلەيدى.
3. سۋ شارۋاشىلىعى قۇرىلىستارىنا تەحنيكالىق قىزمەت كورسەتۋ
20. سۋ شارۋاشىلىعى قۇرىلىستارىنا تەحنيكالىق قىزمەت كورسەتۋ:
1) بەلگىلەنگەن پايدالانۋ رەجيمىن جانە قۇرىلىستاردىڭ جاي-كۇيىن باقىلاۋدى قامتاماسىز ەتەتىن بايقاۋلاردى;
2) قوندىرعىلار مەن جابدىقتاردى جارامدى جاي-كۇيدە ۇستاپ تۇرۋ جونىندەگى جۇمىستاردى;
3) جاعالاۋدى نىعايتۋ قۇرىلىستارىنىڭ بەتكەيلەرىن لاستانۋدان تازارتۋدى, سۋ شارۋاشىلىعى قۇرىلىستارىنىڭ سۋ ءۇستى بولىگىنىڭ ۇساق زاقىمدانۋلارى مەن اقاۋلارىن جويۋدى;
4) «حالىق دەنساۋلىعى جانە دەنساۋلىق ساقتاۋ جۇيەسى تۋرالى» 2009 جىلعى 18 قىركۇيەكتەگى قازاقستان رەسپۋبليكاسى كودەكسىنىڭ 145-بابىنا سايكەس سۋ شارۋاشىلىعى قۇرىلىستارىندا سانيتاريالىق-ەپيدەميولوگيالىق تالاپتار نورمالارىن ساقتاۋ جونىندەگى جۇمىستاردى قامتيدى.
21. ءتۇبىن تازالاۋ جونىندەگى جانە باسقا دا سۋ استى جۇمىستاردى, سونداي-اق سۋ شارۋاشىلىعى قۇرىلىستارىنا قىزمەت كورسەتۋگە بايلانىستى جارىلىس جۇمىستارىن مامانداندىرىلعان ۇيىمدار جۇرگىزەدى.
22. مەنشىك يەسى سۋ شارۋاشىلىعى قۇرىلىستارىنىڭ سۋ استى بولىگىنە زەرتتەپ-قاراۋ جۇرگىزۋدى مامانداندىرىلعان ۇيىمداردى تارتا وتىرىپ قامتاماسىز ەتەدى.
23. سۋ شارۋاشىلىعى قۇرىلىستارىن پايدالانۋدى جۇزەگە اسىراتىن مەنشىك يەسى وسى قۇرىلىستاردىڭ سۋ ءۇستى بولىگىندە سانيتاريالىق-ەپيدەميولوگيالىق تالاپتار نورمالارىنىڭ ساقتالۋىن قامتاماسىز ەتەدى.
24. مەنشىك يەسى سۋ شارۋاشىلىعى قۇرىلىستارىنىڭ بەتكەيلەرىندە اقاۋلار پايدا بولعان كەزدە بەتكەيلەردىڭ كەسكىنىن قالپىنا كەلتىرۋ جانە ولاردى بەكىتۋ جونىندە شۇعىل شارالار قابىلدايدى.
25. سۋ شارۋاشىلىعى قۇرىلىستارىنىڭ مەنشىك يەسى سۋ شارۋاشىلىعى قۇرىلىستارىن تۇراقتى تەحنيكالىق بايقاپ-قاراۋدى, كەزەڭدىك تەحنيكالىق بايقاپ-قاراۋدى, كەزەكتى جانە كەزەكتەن تىس تەحنيكالىق تەكسەرۋلەر جۇرگىزۋدى جانە ولاردى پايدالانۋداعى رەجيمنىڭ ساقتالۋىن باقىلاۋدى كوزدەيدى.
26. تەحنيكالىق جاي-كۇيى مەن پايدالانۋ رەجيمى سۋ شارۋاشىلىعى قۇرىلىستارىن پايدالانۋدىڭ بۇكىل كەزەڭىندە سۋ شارۋاشىلىعى قۇرىلىستارىن تەحنيكالىق بايقاپ-قاراۋدى جانە زەرتتەپ-قاراۋدى جۇزەگە اسىرۋ جولىمەن ايقىندالادى.
تەحنيكالىق قاراۋ مەن تەكسەرۋلەر:
1) تۇراقتى تەحنيكالىق بايقاپ-قاراۋدى;
2) كەزەڭدىك تەحنيكالىق بايقاپ-قاراۋدى;
3) كەزەكتى جانە كەزەكتەن تىس زەرتتەپ-قاراۋدى قامتيدى.
27. كەزەڭدىك تەحنيكالىق بايقاپ-قاراۋدى, سونداي-اق سۋ شارۋاشىلىعى قۇرىلىستارىن كەزەكتى جانە كەزەكتەن تىس زەرتتەپ-قاراۋدى جۇرگىزۋ ءۇشىن مەنشىك يەسى كوميسسيا قۇرادى, ونىڭ قۇرامىنا مەنشىك يەسىنىڭ وكىلى, جوبالاۋ ۇيىمىنىڭ, جەرگىلىكتى اتقارۋشى ورگاننىڭ, ۋاكىلەتتى ورگان ۆەدومستۆوسىنىڭ, قورشاعان ورتانى قورعاۋ سالاسىنداعى ۋاكىلەتتى ورگاننىڭ, ازاماتتىق قورعاۋ سالاسىنداعى ۋاكىلەتتى ورگاننىڭ, قوعامدىق بىرلەستىكتەردىڭ وكىلدەرى كىرەدى.
28. تۇراقتى تەحنيكالىق بايقاپ-قاراۋدى سۋ شارۋاشىلىعى قۇرىلىسىن پايدالانۋشى مەنشىك يەسى جۇرگىزەدى.
29. تۇراقتى تەحنيكالىق قاراۋ ناتيجەلەرى وسى قاعيدالارعا 2-قوسىمشاعا سايكەس نىسان بويىنشا تىكەلەي سۋ وبەكتىلەرىندە ورنالاسقان سۋ شارۋاشىلىعى قۇرىلىستارىنىڭ جاي-كۇيى مەن ولاردى پايدالانۋ رەجيمىنە تەحنيكالىق بايقاپ-قاراۋدى جۇرگىزۋ جۋرنالىنا تۇسىرىلەدى.
سۋ شارۋاشىلىعى قۇرىلىستارىنىڭ جاۋاپتى قىزمەتكەرى تەحنيكالىق بايقاپ-قاراۋدى جۇرگىزۋ جۋرنالىن توقسان سايىن قاراپ وتىرادى جانە سۋ شارۋاشىلىعى قۇرىلىستارىنا تەحنيكالىق قىزمەت كورسەتۋ مەن ولاردى اعىمداعى جوندەۋ ساپاسىنا جالپى باعا بەرەدى.
30. سۋ شارۋاشىلىعى قۇرىلىستارىن تۇراقتى تەحنيكالىق بايقاپ-قاراۋدىڭ كەزەڭدىلىگى سۋ شارۋاشىلىعى قۇرىلىستارىنىڭ تەحنيكالىق جاي-كۇيىنە جانە ولاردى پايدالانۋ شارتتارىنا بايلانىستى بەلگىلەنەدى, بىراق ءبىر توقساندا كەمىندە ءبىر رەت بولۋى كەرەك.
31. كەزەڭدىك تەحنيكالىق بايقاپ-قاراۋ سۋ شارۋاشىلىعى قۇرىلىستارىنىڭ جاي-كۇيى تۋرالى تولىق مالىمەت بەرەدى جانە پايدالانۋ بويىنشا جوندەۋ مەن باسقا دا ءىس-شارالاردى جوسپارلاۋعا ارنالعان دەرەكتەردى قامتيدى.
32. سۋ شارۋاشىلىعى قۇرىلىستارىن كەزەڭدىك تەحنيكالىق بايقاپ-قاراۋ جىلىنا كەمىندە ءبىر رەت جۇرگىزىلەدى. كەزەڭدىك تەحنيكالىق بايقاپ-قاراۋدىڭ ناتيجەلەرى تەحنيكالىق بايقاپ-قاراۋ اكتىسى تۇرىندە رەسىمدەلەدى.
سۋ شارۋاشىلىعى قۇرىلىستارىنا كەزەڭدىك تەحنيكالىق بايقاپ-قاراۋدى جۇرگىزۋ جونىندەگى ماتەريالداردى مەنشىك يەسىنىڭ پايدالانۋ قىزمەتىنىڭ قىزمەتكەرلەرى جيناقتايدى جانە ساقتايدى.
33. سۋ شارۋاشىلىعى قۇرىلىستارىن كەزەكتى زەرتتەپ-قاراۋ قۇرىلىستاردىڭ جاي-كۇيىنە جانە ولاردى پايدالانۋ شارتتارىنا بايلانىستى جۇرگىزىلەدى.
34. سۋ شارۋاشىلىعى قۇرىلىستارىنىڭ تەحنيكالىق جاي-كۇيىن جالپى باعالاۋ جانە ولاردى جوندەۋ نەمەسە قايتا جايلاستىرۋ جونىندەگى ۇسىنىمداردى قامتيتىن كەزەكتى زەرتتەپ-قاراۋدىڭ نەگىزگى ناتيجەلەرى زەرتتەپ-قاراۋ تۋرالى اكتىمەن رەسىمدەلەدى.
35. سۋ شارۋاشىلىعى قۇرىلىستارىن كەزەكتەن تىس زەرتتەپ-قاراۋ ولاردى قالىپتى پايدالانۋ شارتتارى بۇزىلعان جاعدايدا نەمەسە ولار اپاتتى بولعاندا, سونداي-اق ىعىسۋى, دەفورماتسياسى نەمەسە زاقىمدانۋى انىقتالعان جاعدايدا جۇرگىزىلەدى.
36. كەزەكتەن تىس زەرتتەپ-قاراۋدىڭ ناتيجەلەرى بويىنشا زەرتتەپ-قاراۋ (زەرتتەۋلەر) اكتىلەرى نەگىزىندە كوميسسيا انىقتاعان بۇزۋشىلىقتاردى جويۋ جونىندە جوندەۋ جۇمىستارىنىڭ تىزبەسىن جاسايدى, ولار جوندەۋ جۇمىستارىنىڭ جوسپارىنا ەنگىزىلەدى.
37. سۋ شارۋاشىلىعى قۇرىلىستارىن جانە جابدىعىن جوندەۋ (اعىمداعى, كۇردەلى) تۇراقتى, كەزەڭدىك تەحنيكالىق زەرتتەپ-قاراۋدىڭ, كەزەكتى جانە كەزەكتەن تىس زەرتتەپ-قاراۋدىڭ ناتيجەلەرى بويىنشا جوسپارلانادى.
38. سۋ شارۋاشىلىعى قۇرىلىستارىن كۇردەلى جوندەۋدى جانە رەكونسترۋكتسيالاۋدى زاڭنىڭ 65-بابىنا سايكەس قازاقستان رەسپۋبليكاسىنىڭ اۋماعىندا ساۋلەت, قالا قۇرىلىسى جانە (نەمەسە) قۇرىلىس قىزمەتiنiڭ تيiستi تۇرلەرiن جۇزەگە اسىرۋعا ليتسەنزياسى بار جەكە جانە زاڭدى تۇلعالار ورىندايدى.
تىكەلەي سۋ وبەكتىلەرىندە ورنالاسقان سۋ شارۋاشىلىعى قۇرىلىستارىن پايدالانۋ قاعيدالارىنا 1-قوسىمشا
تىكەلەي سۋ وبەكتىلەرىندە ورنالاسقان سۋ شارۋاشىلىعى قۇرىلىستارىن پايدالانۋ جونىندەگى تەحنيكالىق قۇجاتتامانىڭ تىزبەسى
№ قۇجاتتامانىڭ اتاۋى قۇجاتتامانى جۇرگى-زەتىن لاۋازىمدى تۇلعالار قۇجاتتامانى ساقتاۋ ورنى ەسكەرتپە
1 2 3 4 5
1 سۋ شارۋاشىلىعى قۇرىلىستارىنىڭ جاي-كۇيىن جانە ولاردى پايدالانۋ رەجيمىن تەحنيكالىق بايقاپ-قاراۋدىڭ جۋرنالى مەنشىك يەسى مەنشىك يەسى تولتىرىلعان جۋرنالدار تەحنيكالىق مۇراعاتتا ساقتالۋى ءتيىس
2 سۋ شارۋاشىلىعى قۇرىلىستارىن كەزەڭدىك تەحنيكالىق بايقاپ-قاراۋ جونىندەگى اكتىلەر مەن ەسەپتەر كەزەڭدىك بايقاپ-قاراۋدى جۇرگىزۋ جونىندەگى كوميسسيا جانە مەنشىك يەسى مەنشىك يەسى كەزەڭدىك بايقاپ-قاراۋدى جۇرگىزۋ جونىندەگى ماتەريالدار ەسەپكە جيناقتالادى
3 سۋ شارۋاشىلىعى قۇرىلىستارىن كەزەكتى بايقاپ-قاراۋ تۋرالى اكت كەزەكتى زەرتتەپ-قاراۋدى جۇرگىزۋ جونىندەگى كوميسسيا جانە مەنشىك يەسى مەنشىك يەسى
4 سۋ شارۋاشىلىعى قۇرىلىستارىن كەزەكتەن تىس زەرتتەپ-قاراۋدى تۋرالى اكتى كەزەكتەن تىس زەرتتەپ-قاراۋدى جۇرگىزۋ جونىندەگى كوميسسيا جانە مەنشىك يەسى مەنشىك يەسى
5 سۋ شارۋاشىلىعى قۇرىلىستارىن كۇردەلى جوندەۋ جونىندەگى جۇمىس-تاردى قابىلداۋ-تاپسىرۋ اكتىلەرى قۇرىلىستاردى كۇردەلى جوندەۋدەن قابىلداپ الۋ جونىندەگى كوميسسيا مەنشىك يەسى
تىكەلەي سۋ وبەكتىلەرىندە ورنالاسقان سۋ شارۋاشىلىعى قۇرىلىستارىن پايدالانۋ قاعيدالارىنا 2-قوسىمشا
نىسان
تىكەلەي سۋ وبەكتىلەرىندە ورنالاسقان سۋ شارۋاشىلىعى قۇرىلىستارىنىڭ جاي-كۇيىن جانە
ولاردى پايدالانۋ رەجيمىن تەحنيكالىق بايقاپ-قاراۋ جۋرنالى
_____________________________________________________________________________________
سۋ شارۋاشىلىعى قۇرىلىسى
سۋ شارۋاشىلىعى قۇرىلىستارىنىڭ جاي-كۇيىن جانە ولاردى پايدالانۋ
رەجيمىن تەحنيكالىق بايقاپ-قاراۋ جۋرنالى №_____________________________________________
سۋ شارۋاشىلىعى قۇرىلىسىن پايدالانۋشى مەنشىك يەسى
_____________________________________________________________________________________
_____________________________________________________________________________________
تەگى, اتى, اكەسىنىڭ اتى (بولعان جاعدايدا) جانە قولى
_____________________________________________________________________________________
جۋرنالدى جۇرگىزۋشى قىزمەتكەردىڭ لاۋازىمى, تەگى, اتى, اكەسىنىڭ اتى (بولعان جاعدايدا) جانە قولى
جۋرنالدى جۇرگىزۋدىڭ باستالعان نەمەسە جالعاستىرىلعان كۇنى
باستالۋى: ____________________
جالعاستىرىلۋى: ______________
تۇراقتى تەحنيكالىق قاراۋلار انىقتالعان اقاۋلاردى جويۋ جونىندەگى ءىس-شارالار
كۇنى, سانى, ايى, جىلى بايقاپ-قاراۋدىڭ ناتيجەلەرى جانە انىقتالعان اقاۋلاردى جويۋ جونىندە بەلگىلەنگەن ءىس-شارالار كۇنى, ايى, جىلى ورىندالعان جۇمىستار تۋرالى مالىمەتتەر
1 2 3 4
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 28 شىلدەدە نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №11775 بولىپ ەنگىزىلدى.